Ухарч залхуурах зам бол үхэлд хүргэх хамгийн дөт зам
Уйгагүй хөдөлмөрч зан бол амьдралын зам мөн билээ
Уран хүн нум сум хийхдээ сумаа харуулдан засахын адил
Ухаант хүн ямагт сэтгэлээ засч тэгш шулуун болгоно
Ертөнцийн юм бүхнийг санаа сэтгэл буй болгож удирдана
Сайхан сэтгэл нь бузартсан хүнийг зовлон зүдгүүр дагадагийг үлгэрлэвэл
Ерөөс шар үхрийн араас үхэр тэрэг үргэлж дагахтай адилаа
Ер нь сайн санааг сайн үйл дагах нь сүүдэр нь эзнээ дагах лугаа
Нойр нь үл хүрч хөрвөөх хүнд шөнө юутай урт
Нозоорч ядарч буцсан аянчинд зам юутай урт
Аян замд өөртэйгөө эн тэнцүү эсвэл илүү хүнтэй хамт яв
Арчаагүй мунхагийг дагуулсанаас ганцаараа явах нь дээр
Өөрийн тэнэгээ мэддэг тэнэг хүн
Өөрийгөө ухаантай хэмээн бодох тэнэгээс дээр болой
Ухаантантай ярилцахдаа тэнэг үн сургаалийг нь ойлгодоггүй нь
Унд хоолны амтыг халбага мэддэгүйтэй адил болой
Хүн цэвэр ариун амьдарч, гомдооход гомдох хэрэггүй
Хүсээгүй ч уйтгар гунигийн цаг ирэхэд уйдаж гуних хэрэггүй
Ховдог хомхой сэтгэлтэний дунд байсан ч ховдог хомхой бүү бол
Хорвоогийн аливаа юмны тухайд бол минийх гэж бүү бод
Өрөөл бусдын алдаа нүдэнд шууд тусдаг бол
Өөрийнхөө алдаа мадагийг олж харах хэцүү билээ
Өөлж бусдын нүглийн цууг дорхноо тараачихдаг мөртлөө
Өөэсдийнхөө нүглийг бид гартаа нуух даалуу мэт хав дардаг.
0 comments:
Post a Comment