Янз янзын л багшийн нүүр харж явлаа. Багш болгон нэг дурсамж, нэг үнэлэмжийг араасаа дагуулж явдаг. Хүнд юм өгөх гэсэн, жаахан ч гэсэн юм ойлгуулах гэсэн багш бол анхнаасаа сэтгэлд өег, хэлж ярьж байгаа үгийг нь гээх аргагүй үнэн байх юм. Аа харин, цаг нөхцөөх гэсэн эсвэл зөвхөн дүгнэхийн төлөө төрсөн хүмүүс байнаа. Энэ хүн хийх ёстой зүйлээ хийх ёстой, үгүй бол дүнг нь тавиад өгье гэсэн хэсэг нь ч байна. Буруутгахгүй ээ. Аль нь ч гэсэн ажлаа хийж байгаагаас хойш. Гэхдээ багш бүхэн, ер нь хэн бүхэн хийж байгаа ажилдаа үнэнч, сэтгэлд зүрхээ зориулж чадвал хамгаас сайн бүтээмж гарах байх. Тэр хэмжээгээрээ ч сэтгэл ханамж өндөр, өдөр бүхэн утга учиртай, зорилготой өнгөрнө.Ухаант багшийн хэлсэн хэдхэн үг ямар их зүйлийг өөрчилнө гээч. Дөнгөж саяхан л мэдэж байгаа мэт санагдсан зүйлс юу биш болж, юмны утга учир яг хаанаа байнаа гэдгийг нүүр түлэгдтэл хэлээд тавьна даа. Яагаад ингэж сэтгээгүй вэ гэж өөрөө өөрийгөө гайхах, уур ч хүрэх шиг, шоолоод инээмээр ч юм шиг. Ийм багш нар олон байж, бидэнд их зүйлийг зааж сургадаг байгаасай. Хүн гэдэг хэлэхээс нааш ойлгох биш, хэн нэг хүн хэлж ярьж байж учир дутагдалаа ойлгох юм даа.
1 comments:
oilgool baisan , tegee yasan, zarimii ni martsan, tegee yasan, zarimii ni heregjuuleh shahsan.
Tegeed yahuu, yahav dee uragshlaal bain daa.
Post a Comment