Өнөөгийн ертөнцийг үндэслэгч эзэн Чингис хаан

Жек Ведерфордийн *Өнөөгийн ертөнцийг үндэслэгч эзэн Чингэс хаан* гэх номыг уншиж эхэлсэн билээ. Их богд Чингис хааны мэндэлсэн цагаас өгсүүлээд, түүний амьдрал, тэмцэл, гүн ухааны талаар маш энгийн мөртлөө, ойлгомжтой бичсэн нь их таалагдаад байгаа. Тэгэхдээ *Монголын нууц товчоо* зохиолын халуун мөрөөр даган бичсэн ба зарим тэмдэглэгдэж үлдээгүй, бүрхэг зүйлүүдийг ч тодруулахыг хичээсэн байх юм.

Чингис хааныг элэглэсэн нь

Харин уншиж явах зуураа инээдтэй ч гэмээр юм уу нэг сонин мэдэж авлаа. Жек маань өөрөө америк хүн ч гэлээ өөрийн орны хийсэн киног дэндүү муу кино болсон гэж шүүмжилж чадсан байх юм. Арга ч үгүй юм даа гэмээр дэндүү дэндүү кино гэдгийг нь үзээгүй ч гэлээ уншаад уур, инээд хоёр зэрэг цухалзав. * Байлдан дагуулагч* гэсэн мундаг нэртэй энэ кино нь 1956 онд Hollywood-д хийгджээ.

Киноны үйл явдал ингэж өрнөдөг гэнэ: Өэлүн нөхөртөө цамцаа тайлж өгөн, амь оргуулж, харийн эрд олзлогддогийг тэд Тэмүжин Бөртэтэй учирч байгаагаар дүрсэлжээ. Цайвар шаргал үстэй Бөртэ битүү мухлаганд биш, торгомсог дэр овоолж, гоёмсог олбог дэвссэн сүүдрэвчтэй ил мухлаганд арагш налан сууна. Америк Тэмүжин зугтсан эрийг нь буцааж ирүүлээд, нүдэн дээр нь бүсгүйн цамцыг шүүрч олон цэргийн өмнө нүцгэлж орхино. Тэрээр цамцыг нөхөрт нь шидэж өгөөд, монголчууд бүсгүйг чинь булаасныг дурсаж яв гэж хэлдэг гэнэ. (Ер нь тэгээд Бөртийг нэг муу янхан шиг дүрсэлсэн байдаг гэсэн.) Тэр энэ кинонд тоглосон бараг бүх эрчүүдэд алгадуулж, хүчиндүүлж байгаагаас өөрөөр бараг дүрслэгдсэнгүй.

... (Жамуха, тэмүжин хоёр дайснаа дарсны дараа 2 жил хамтдаа нөхрийн ёсоор нэг дор нутаглацгаасан билээ. Удалгүй Жамуха уйдсан тул Тэмүжин холдож нүүсэн гэдэг. ) Харин энэ кинон дээр " Бөртэ, Жамух Тэмүжин хоёрын нөхөрлөлд атаархан тэднийг салгах арга сүвэгчилж, Жамухыг өөртөө татах гэж оролдсон ч дийлэлгүй, түүнийг хорлохоор бэлддэг. Жамух үзэсгэлэн төгөлдөр бүсгүйд ч хуурталгүй, анд нөхөртөө үнэнч хэвээр байх боловч, эцэст нь Бөртэ түүний байр суурийг эзэлж, Тэмүжинд урам зориг өгч байгааг ухаарна. Ингээд анд нөхрийхөө төлөө өөрийгөө золиослох ганц зам үлдсэн байдаг." (Үзээгүй болохоор мэдэхгүй юм, яаж өөрийгөө золиослосон юм бол доо. )

" Кино зохиолыг уншихад надад яг л ковбой кино шиг санагдаж, Чингэс хааныг бууч ковбой маягаар төсөөлөн тоглосон " гэж жүжигчин Жон Вейн ярьсан гэдэг. Кинонд Монголчууд баруун америкийн дүүхэлзсэн өндөр морь унаж, Техасын урт эвэртэй үхэр маллаж, галт тэргээр зорчиж, Индианы урц шиг оромжинд амьдарч байгаа нь улам л ковбой шинжтэй болгожээ. ( Хаха, энэ нээрээ ална аа. Галт тэргээр хүртэл яваад байхдаа яахав дээ. )
Киноны сурталчилгааны самбар дээр " тэд бие биенээ, дараа нь дэлхийг байлдан дагуулав" гэж бичсэн байсан нь дэлхийг байлдан дагуулсан агуу түүх ердөө л 1950-аад оны Америкийн эр эмийн явдлын дэвсгэр зураг болж, гоо зүйн, түүхийн, найруулгын гээд бараг бүх түвшинд хамгийн муу уран бүтээлийн нэг болжээ.
( Гайхалтай нь одоо энэ киног хэрэв үзвэл хэн ч гэсэн савж унатлаа инээх байсан биз ээ. Үнэн гэдэг яаж ч доордуулсан үнэн хэвээрээ үлддэг болохоор үнэ цэнэтэй хэвээр байдаг шигээ. )

Жек Ведерфордын номоос...

Нээрээ бас Клеопатра хатны тухай киног муу киноны жагсаалтанд оруулсан байсан. Яагаад юм бол гэж гайхдаг байлаа. Бодоход нэг иймэрхүү янзаар хийсэн бол хөх инээд хүрэхээс өөр зүйлгүй байсан юм болов уу. Эртний тэр хатны тухай түүхийг сайн мэдэхгүй болохоор ийм юм бий гээд бодоод л өнгөрч байсан юм байна.

Oдоо хорин насандаа яваа бүгүй таны жинхэнэ хийх ёстой зүйл бол сертификат олгох боловсрол ч биш, англи хэлний хичээл ч биш, юу юунаас илүү чухал өөрийнхөө тухай сурч мэдэх явдал юм. Өөрийгөө юунд дуртай, ямар хүн болохыг тодорхой мэдээд авчихвал өөрийн тань хүслийг биелүүлэхэд шаардлагатай бусад хичээл сургуулиуд автоматаар үр дүнтэй, чанартай болж чадна.

*Эмэгтэй хүний амьдрал 20 наснаас эхэлдэг* номоос...

Өвөөгийнхөө тухай

Өвөөгөө ийм мундаг хүн гэдгийг одоо л мэдлээ. Ном гаргах гээд залуу наснаасаа эхлээд бичиж байсан зохиол, судалгаагаа надаар шивүүлж байгаа юм. Гүэ ер, нэг үсэг алдаад бичихэд л нэг өөр утгатай болмоор, эсвэл энэ үгийг яаж ингэж чимэгтэйгээр оруулдаг байнаа гэж гайхмаар.

Нас дээр гарсан боловч нуруу тэнэгэр, зуны халуунд хавай цамц, саравчтай малгай өмсөөд явж чаддаг, чөлөөт стильтэй орчин үеийн ганган өвөө боловч Монголын түүх, соёлын тухай мундаг мэддэг гайхмаар өвөө шүү. Би хөгшин болсон хойноо өвөө шигээ нуруу тэнэгэр явж чадах болов уу.

Хамгийн сэтгэл хөдөлгөсөн зохиолын хэсэг энэ байна. " Сохор бар " гэх зохиолд Амар сайдын холч ухааны тухай, түүний нөгөө талд оросын Шар толгойт Монгол орны минь тухай хэрхэн дорд үзэн, дотроо баярлаж байгаа тухай. Хэдийгээр Шар толгойтын бодол мэт бичигдсэн боловч өвөөгийн минь тэр үеийн байдлыг ухаж ойлгосон гүнзгий ухаан нь харагдаж байна.

Шар толгойт ийнхүү бодно:
- Хуучин монгол сэхээтний бараг сүүлчийн Могикан болох энэ хэцүү хүн удаан амьд байж таарахгүй. Хэдий ухаантай ч ганц нэгэн эрдэмт сайдаас хэдэн мянга дахин аюултай тэр эртний монгол бичгийг ч даруй устгах ёстой. Тэгвэл, мянган оны түүх соёл байтугай энүүхний элэнц хуланцаа ч ялгаж эс мэдэх мангуу нарыг хааш нь ч хөтөлж болно. Тэгээд шинэ цагийн сэхээтнийг бүгдийг хойно орос хэлээр сургууль хийгэнэ. Тэгээд авгай хүүхдийн өмд гутлаас эхлээд авсны нь хадаасыг хүртэл бэлдэж өгөөд, зээл тусламжаар тэжээгээд ирэхийн цагт эзэн Чингисийн удам эрэлхэг дайчин анд нар минь хүний хаяж өгсөн бүгдийг, угаадас ч байсан давгүй хүртчихдэг сохор бар болохгүй ер нь хаа зайлах вэ дээ. Үүний тул, мэргэжилтэн сургагч нэрээр аль болох олноороо ирж, эдний хэрэгтэй бүгдийг хийж өгч, заримдаа бүр зарц барлаг мэт байж ч болно. Тэр яах вэ, бүргэд бол хэзээ ч бүргэд: Орлам случается и нижэ кур спускаться, но курам никогда до облак не подняться...
Тэгээд... тэгээд... тэгээд... Бодлоос бодол хөвөрнө. Гэвч энэ бүхэн өнөөдөр ч хий мөрөөдөл биш байгаа нь түүнд үлэмж таатай аятайхан санагдана.

Хар сүрэгтэн Д. Дамдиндорж
1997.01.17

(><)/

Хоёрдогч цоорол гэж юу вэ?

Аль хэдэн жилийн өмнө тавиулаад мартчихсан ломботой шүд байгаа юу? Эсвэл ломбодуулсан боловч халуун хүйтэн зүйл идэхэд мэдэрдэг шүд байгаа юу? Тэгвэл анхаар! Хоёрдогч цоорол үүсэж байж магадгүй шүү. Энэ зураг дээр улаан сумаар заасан хэсгийг харж байна уу? Ломбоны дор үл ялиг харласан хэсэг байгаа нь цоорол юм.
Биднийг бага байхад одоо үед хэрэглэж байгаа сайн шүдний материалууд байхгүй байсан. Ихэвчлэн цемэнтэн ломбо тавьдаг байсан ба цаг хугацаа өнгөрөх тутам шүлсэнд уусаж, хэмжээ нь багасч байдаг эд юм. Ингэснээр шүдний ховилыг бөглөж байгаа хэсэгт завсар гарч, шүдний тэр хэсэг хамгаалалтгүй үлдэж, цоорол дахин үүсэх боломжтой болдог. Мөн анх шүдийг ломбодохдоо эмч дутуу цэвэрлэснээс цоорол цааш даамжирч болно. Энэ нь хоёрдогч цоорол юм. Ийм шүдтэй бол хурдхан шиг эмчлүүлж аваарай. Тэгэхгүй бол нэг л мэдэхэд сувагт хүрч, мэдрэлийг гэмтээн, биемахбодод ч зовиуртайн дээр эмчлүүлэх мөнгө ч өсөөд ирнэ. Хэрэв гадагшаа удаан хугацаагаар явах гэж байгаа бол шүдээ заавал шалгуулж, болохгүй болсон хуучин ломбоо солиулдаг юм шүү!

Эмэгтэй хүний амьдрал хориод наснаас эхэлдэг

Өчигдөр шинэ номнууд авлаа. Авах юмсан гэж нэлээн харж явсын. Харин ганц биш, хоёр дэвтэр болоод гарчихсан байна. Бүр ч их олзуурхлаа.
Нэр нь арай өөр л дөө. *Эмэгтэй хүний амьдрал 20 наснаас эхэлдэг* гэж. Гэхдээ би гэдэг хүн аль хэдийн 20 гарчихсан болохоор хориод нас гээд өөрчилчихлөө, хэхэ.
Тодорхой хүрээлэлд зориулсан ном болохоор илүү ач холбогдолтой юм шиг санагдсан.
Мань мэтэд ээжээс минь өөр хэн зөвлөхөв дээ. Харин энэ номноос олон гоё санаанууд, зөвлөмжүүд олж авч болохоор байна лээ. Миний 20 гарсан дүүд ч бас нэлээд хэрэгтэй эд дэгээ. Монголдоо ирээд худалдаад авна биз. :)

Hepatic cirrosis

Hepatic Cirrosis ( элэгний хатуурал ). Энэ бол яалт ч үгүй хар мөртэй, аюултай, муухай өвчин.
Үүнээс болж хичнээн сайхан хүмүүс ид хийж бүтээх насандаа хорвоог орхиж байгаа гэх вэ. Тэдний нэг нь аав маань байсым.
Дээр үед нэг удаагийн зүү тариур гэж байгаагүй, буцалгаад л гэр бүлээрээ, хамаатан саднаараа дамжуулаад хэрэглэчихдэг байлаа. Миний санахын л зуухан дээр нэг шилэн тариурыг чанаж байдаг байсансан. Аз болоход тэр тариураар тариулж байснаа санадаггүйм. Өлчир тулдаа л янз бүрийн тариа хийлгэж байгаагүй болтой. Яагаад ийм итгэлтэй хэлж байна вэ гэвэл өчигдөр шинжилгээ өгсийн. Ер нь энэ биемахбод юу болж байна, эвдрэл гарчуу үгүй юу мэдэх санаатай. Хааяа л нуруу гацдагаас биш, өөрийн тухай мэдэх зүйл маруухан байлаа. Тэгсэн ашгүй эвдрэл гараагүй байж байна. Эрүүл байна гэдгээ мэдэх жаргалтай юм билээ. Ялангуяа B, C вирусгүй байна гэдэг баярлууштай үйл явдал шүү. Тэгвэл нэгмөсөн B вирусынх нь вакциныг хийлгэчихье гэлээ. Тэгсэн харин аль үжэ дархлаатай болчиж гэдэг байна. Хэзээ юм бэ нэг вирус намайг шүргээд өнгөрсийн байлгүй дээ. Аа харин C вирусын вакцин гэж байдгүй болхоор болгоомжтой явахгүй бол болохгүй.


За, тэхээр элэгний хатуурал гэж юу вэ?

Үүсгэх шалтгаан нь олон янз.
1. Вирус B, C, D, E, G ( бид зөвхөн B, C-г нь л мэддэг )
2. Архи
3. Эм
4. Хордлого
5. Цөс зогсонгишил
6. Атоиммун өвчин ( удамшлын )
7. Шалтгаан тодорхойгүй

Цирроз яаж үүсдэг вэ? ( схемчилвэл илүү ойлгомжтой )

Шалтгаан -элэгний эс үхэх - үхсэн эсийн оронд элгэнд сорви үүснэ (элэгний эсийн үүргийг хэрхэвч гүйцэтгэж чадахгүй, хэсэг газар цус гүйхгүй ) - гэмтээгүй элэгний эс цусан хангамжаар дутагдана - үхжинэ - сорви улам томорсоор л байна - ингэснээр элэгний цусан хангамж алдагдана. - элгээр шүүгдэх ёстой цус элэгний үүдэн венд хуримтлагдана - цус ихээр хуримтлагдсанаас тэнд даралт ихсэнэ - даралт ихэссэнээр судасны хэвчимхий чанар нэмэгдэнэ - цусны сийвэнгүүд судаснаас гадагшилна - ингэснээр асцит буюу хэвлийн хөндий шингэнээр дүүрнэ. ( гэдэс нь усаар дүүрсэн мэт болдог. )



Нэгэнт B, C вирустай болсон бол элгээ аль болох хамгаалах хэрэгтэй. Архи, тамхи, элэг гэмтээх нөлөөтэй эмийн бодис ( жишээ нь трихопол ) ихээр хэрэглэхгүй, зөвхөн эмчийн заавраар, жимс ногоог сайтар угааж хэрэглэх ( элгэнд очиж шимэгчилдэг шимэгчдээс болгоомжлох ), дархлаагаа сулруулахгүй байх ( дасгал хөдөлгөөн сайн хийх, аль болох өөдрөг байх, чанартай хоол хүнс хэрэглэх ) гэх мэт.

Хүүхдийн шүдлэлт

1 настай хүүхдийн хоншоор эрүү ясны рентген зураг

2 настай хүүхдийн хоншоор эрүү ясны рентген зураг

3 настай хүүхдийн хоншоор эрүү ясны рентген зураг

Цааш

Шрек 4 * Happily ever after *

3D кино үзэх хүсэлдээ хөтлөгдөн Шрек 4 хүүхэлдэйн киног үзлээ. Үлгэр цаашид өрнөхгүй болоод ирэхээрээ өмнөх амьдрал руугаа хэн нэгэн шидтэний ачаар очдог нь бараг л нийтлэг зүйл дээ. Түүний л нэгэн адилаар Шрек маань одоо байгаа амьдралдаа сэтгэл ханасангүй, эргээд зэрлэг байдалдаа очихыг хүссэндээ өөрийнхөө нэг өдрийг шидтэнтэй наймаалцав. Гэтэл тэр нь жирийн ч нэг өдөр биш, өөрийнхөө төрсөн өдрийг наймаалцсан байлаа. Хэрвээ өдөр дуусахаас өмнө Фионатай жинхэнэ хайрын үнсэлт хийж чадахгүй бол тэр хэзээ ч байгаагүй. хэзээ ч төрөөгүй болно гэсэн үг. Харамсалтай нь юм бүхэн өөрчлөгдөн, хэн ч түүнийг мангас гэдгээс илүүгээр танихгүй байлаа.

Хамгийн инээдтэй хэсэг нь манай гуталт муур мангар бүдүүн болчихсон, өөрөө биеэ ч долоож чадахгүй болчихсон байсан.

"Чамайг дараа л барихаас" гэж байгаан. :))

Сүүлдээ ч Хаппили эвэр афтэр л боллоо доо. Тэгэхгүй бол утгагүй юм болно биз дээ.

Midnight sun

За, сүүлд нүдээ чилээн байж Асуулт самбараас Твайлайтын хэдэн цувралыг уншиж байна. Монголд орчуулж хэвлэх санаатай асуултын хэдэн гишүүд маань үзэж тарж байгаан байна лээ. Мэдээж ном нь гарах учраас энд тэндээс нь танасан байгаа.

Надад хамгийн их таалагдсан нь Миднайт сан гэх энэ бүтээл.
Эхний номноос эхлээд уншихад л Беллагийн талаас зохиолын үйл явдлыг хардаг шүү дээ. Гэтэл хүн бүр дотоод ертөнцтэй, тэр бүр нь л сонин содон. Энэ ном нь Эдвардын талаас харж бичсэнээрээ олон олон уншигчдыг өөртөө соронзон мэт татсан болов уу. Ном бүрт олон дүрүүд гарч, тэднийг тус тусад нь илэрхийлэхийг хичээдэг ч дагнан нэг ном байна гэдэг сонин хэрэг.

Амьдрал дээр үнэхээр л ийм байдаг бол хичнээн сайхан гэмээр ямар романтик гээч. Белла Эдвардад хичнээн хэврэг, ганц хүрмэгц л эвдэрч болохуйц байхад тэр туйлдаа хүртэл хичээн хайрлах нь үнэхээр сэтгэл хөдөлмөөр.
Уншаад дуусахад амьдралыг бараг л номын үйл явдлаар харах дөхсөн шүү. Нээх сайхан залуу намайг хүлээгээд сууж байгаа ч юм шиг, хаха.

Тэгээд уншмаар санагдвал энд дараарай. Midnight Sun

Лицензийн шалгалтын талаар

Лицензийн шалгалтандаа тэнцчихлээ. Ерөнхийдөө гайгүй юмаа. Гэхдээ биостатистикийн тест харж амжаагүй тул бингодох хэрэг гарлаа.

Шалгалтын 70 хувь нь мэргэжлийн тест ( НАСС-ын төгсөлтийн шалгалтын номноос )
10 хувь нь хууль эрхзүй. ( Эрүүл мэндийн тухай хууль, Эмнэлгийн мэргэжилтний ёс зүйн тухай хууль 2006 он, хавсралт 135)
20 хувь нь Биостатистикийн тест ( биостатистикийн тестийн номноос ) байлаа.

Шалгалтанд орохын тулд эхлээд Эрүүл мэндийн газраас нэг өргөдлийн маягт авч бөглөнө. Түүнийгээ оюутны албанд хураалгана.
Шалгалтанд тэнцсэн бол хэд хэдэн материал бүрдүүлэх ёстойм байна. Энэ тухай эндээс олж хараарай.

Дутагдал

Хүн бүр сайн, муу талтай.
Ерөөс бүх юм нь сайн хүн гэж байдаггүй. Нэг дутагдал байж л таарна. Тэр дутагдалаа хүнээс сонсож чаддаг, засаж чаддаг байх хэрэгтэй юм болов уу. Анхандаа сонсоход уур хүрдэг ч гэлээ, оргүй зүйлээс овоо босдоггүй шүү дээ. Хүн олон дахин анзаарсан зүйлээ хэлсэн байдаг даа.

Ээж минь нэг дутагдал надаас олж харжээ. Цэвэрлэгээ хийхдээ муу, нэг л дээгүүр нь илсэн маягтай, хуураад өнгөрдөг гэнэ. Эмч хүнд байхад хэцүү л дутагдал юм гэж бодлоо.
Одоог хүртэл тэгж бодолгүй л хийдэг байж дээ. Одоо жаахан бодоод хийчихвэл дээрдэх байлгүй.

My wish list 2

Iphone

Ebook readerEdictionary

Эхний амжилт

За ингээд сургуулиа төгслөө дөө. 5 жилийн хөдөлмөрийг минь үнэлж сургуулиас улаан диплом олголоо. Их баярлаж байнөө. Гэхдээ улаан диплом авсанаараа миний амьдрал сайхан болчихно гэсэн үг мэдээж биш. Цаашид хэрхэн суралцаж, гүйцэтгэснээрээ, мөн хүний мөстэй, нинжин сэтгэлтэй байснаараа амьдрал дээр үнэлэгдэх байх.
Нэг мэдэхэд л 5 жил ард хоцорчээ. Анхандаа ангиа ч олохгүй, багшдаа зэмлүүлээд, арван жилийн сургуулиас ямар хэцүү болохыг нь гайхдаг байлаа. Хөдөөнөөс ирсэн хот мэдэхгүй, зам хөндлөн гарч чадахгүй, хичээл дээр нэг л муу дүн авбал дараа нь засах боломж байхгүй , унших ном их, цаг зав бага гэдэг ч юмуу. Асуудал захаасаа аваад ундарч билээ.
Бодохнээ 1 курст байхад дүнгийн төлөө улайран хөөцөлддөг байж дээ. Орой 9 хүртэл номын санд суугаад, харих замдаа номоо цээжлээд л... Хөндлөнгийн хүн харвал нэг л их хэнээтэй, комунист амьтан. Хөөрхөн төрөх албагүй киноны Бушкарёва шиг л. Харин томроод ирэх үедээ аль болох учир утгыг нь ойлгож мэдэхийг хичээх болсон шүү. Ер нь хий хоосон цээжилсэн бүхэн ор мөргүй хийсэн алга болж, цээжиндээ сийлсэн нь үлддэг болтой. Нэг үг байдаг даа * таны мэдлэг элсэн дээр бичсэн бичээс шиг биш, хадан дээр сийлсэн сийлбэр шиг байх хэрэгтэй * гэж. За энэ цэцэрхэх ч яахав, цаашдаа мартахгүйн тулд орууллаа.

Хөөрхий муу өвөө минь ач охиноо хараад сүүлийн 20 жил баярлаагүйгээрээ баярласан гэсэн. Ээж минь баяр дээр маань байж чадаагүй ч утсаар сонсоод л, баярлаад нүднээс нулимс гарч байна гэж байсан. Эрхэм хүмүүсээ нэг баярлуулж үзсэндээ таатай байна шүү.

За ингээд эхнийхээ амжилтанд хүрлээ. Одоо дараачийнхаа уул руу мацна даа. Мацах уул ямар их байнаа...

Буруу замаар будаа тээвэл
Буцахдаа заавал шороо тээнэ...

Энэ үгийг хэзээ ч мартахгүй ээ. Том сургамж боллоо.

Тэнэг сандрал мулгуу ухаанд хүргэнэ...
Атаач зан арчаагүй байдалд хүргэнэ...
Ухвар мөчид бодол ухаан санааг харанхуйлуулна...

СУУТ ХҮМҮҮСИЙН АМЬДРАЛДАА ЭРХЭМЛЭЖ ХЭВШҮҮЛСЭН ЗАРЧМУУД

1. Эрхэм зорилгоо тодорхойл
2. Сайн үйл бүтээлгүй нэг ч өдөр бүү яв
3. Бусдын хийж бүтээснийг би ч хийнэ.
4. Урагшаа, зөвхөн урагшаа. Ухарч бууж өгч болохгүй.
5. Хүлээлгүйгээр шууд ажиллаж эхлэ, хором бүр үнэтэй гэдгийг сана
6. Амьдарч чадна гэдэг ажиллаж чадахыг хэлж буй юм.
7. Хүн хийж бүтээх гэж харин шувуу нисэхийн тулд төрсөн.


АМЖИЛТАД ХҮРЭХЭД ЮУ СААД БОЛДОГ ВЭ?

1. Атаа жөтөө, хорон санаа, муу зуршил
2. Зорилгоо буруу тодорхойлох
3. Өөрийн алдаа дутагдлыг хүлээх зориг дутаж, бусдад нялзаах
4. Хэт шулуунаар хүнд эвгүй зүйл хэлэх, асуух, шүүмжлэх
5. Хэрэгцээгээ биелүүлэхийн тулд буруу зам руу санаатайгаар орох
6. Арга хэрэглэж, ухвар мөчид хуурч мэхлэх
7. Өөртөө болон бусдад үл итгэх
8. Тэвчээр алдсанаас болон уурлан урьд олсон амжилтаа бусниулах

Турхынсан

Ингэхэд турхынсан. Шалгалт, шүүлэг гээд өөрийгөө ч мартаж орхиж. Хаа хамаагүй таарсан юмаа идсээр байтал болохоо байлаа. Ингэхэд би өдөрт 1700 ккал авах ёстойм байна.

За дараа тухтай бичнээ.

Юу юу идвэл 200 ккал болох талаар энд байна.

Хайр

Эцэг эхийн хайр ийм л агуу.
Эцэг нь энэ тэрүүгээр нисэх бор шувууг хараад энэ юу вэ гэж хүүгээсээ дахин дахин асууна.
Эхлээд хүү нь хариулж байснаа давтагдах тусам уур нь хүрч, та албаар ингээд байна уу гэж аавыгаа загнав.
Гэтэл аав нь гомдолтой нь аргагүй гэр рүүгээ яваад, нэг дэвтэр авчиран, түүн рүүгээ заагаад хүүгээ чанга унш гэв.
Дэвтэрт: *Өнөөдөр би хүүтэйгээ цэцэрлэгт сууж байв. Хүү минь надаас нэг зүйлийг дахин дахин, бүр 21 удаа асуулаа. Тэр болгонд нь би уур цухалдалгүйгээр тайвнаар * бор шувуу* гэж 21 удаа хариулав. Хариулах тоолондоо түүнийг тэвэрсэн.* гэсэн байлаа...
Энийг сонсоод хүү яасан бол?

Чиний зүрх ямар вэ?

Ёстой гоё сэдэвтэйм байна. Хайрлахаас айж, өөрийгөө барьж явах нь тийм ч оновчтой зүйл биш, харин хэн нэгнийг хайрлаж, алдаж онож байж амьдралын сайхныг мэдэрдэг тэндээ байдаг гэсэн зохиомж байна. Заавал үзээрэй!!!